Something wrong
7:46 AM
რომ შემეძლოს
რომ შემეძლოს, უბრალოდ გონებას დავშლიდი ჩემი ცხოვრების ფრაგმენტებად, მხოლოდ იმიტომ, რომ მისი სახის გამომეტყველების შეგრძნება, დანახვა, აღქმა უფრო კარგად შემძლებოდა, რომ შემეძლოს ავფეთქდებოდი და ჩემ გარშემო ყველაფერს შევიწირავდი, მთელ სხეულს ვაიძულებდი ნაწილებად დაშლილიყო და ფეერვერკებად წარმოქმნილიყო ზეცაში
რომ შემეძლოს, პეპლად დავიბადებოდი, მაგრამ მისი შემხედვარე უბრალო აბსტრაქციად ვიქცეოდი, უსასრულობაში დავიკარგებოდი... რომ შემეძლოს, წვიმის წვეთებად გადავიქცეოდი მხოლოდიმიტომ, რომ მთელი სახე დამეკოცნა,მხოლოდ იმიტომ,რომ წვეთები სამუდამოდ ჩამჯდარიყო მის სხეულში, სისველე მის გულში. ...რომ შემეძლოს არასდროს ვეტყოდი იმას,რომ მიყვარს, რადგან ჩემი პირიდან გამოსული სიტყვები ვნებით, სურვილებით, ოცნებებით გზაში აგიზგიზდებოდა და უბრალო, დამწვარ ფერფლად იქცეოდა. ამიტომ ჩუმად ვარ, ამიტომ ველოდები. რომ შემეძლოს, სამუდამოდ დაველოდებოდი...
0 comments